Իրանում մահապատժի է ենթարկվել Ղասեմ Սոլեյմանիին հետևող գործակալը

Իրանի իշխանությունները մահապատժի են ենթարկել դատապարտյալին ԿՀՎ-ի օգտին լրտեսելու և գեներալ Ղասեմ Սոլեյմանիի շարժումների վերաբերյալ տվյալներ փոխանցելու համար. հայտնում են լրատվական գործակալությունները:

Մահմուդ Մուսավի Մաջդը, որը նույնպես մեղադրվում էր իսրայելական հետախուզական Mossad-ի համար աշխատելու համար, մահապատժի է ենթարկվել երկուշաբթի օրը՝ հուլիսի 20-ին. հայտնում է РИА Новости- ն ՝ վկայակոչելով Tasnim-ին: Դատապարտյալի դեմ գործը հարուցվել է նույնիսկ Սոլեյմանիի մահից առաջ և ոչ մի կապ չունի իրանական բարձրաստիճան զինվորականի դեմ ԱՄՆ գործողությունների հետ:

Հունվարի սկզբին ԱՄՆ-ն իրականացրել էր հատուկ գործողություն, որի արդյունքում սպանվել էր «Ալ-Քուդս» իսլամական հեղափոխության պահապանների կորպուսի հրամանատար, գեներալ Ղասեմ Սոլեյմանին: Իրանը պատասխանել էր՝ հարվածելով ԱՄՆ-ի օդային բազային Իրաքի արևմուտքում, ինչպես նաև Իրաքում ամերիկյան ռազմական օբյեկտի վրա: