Վրաստանում պարետային ժամը կվերացվի այսօր՝ 23: 00-ից

Կորոնավիրուսը կանխարգելելու նպատակով սահմանված՝ շարժման սահմանափակումն այսօր չեղյալ է հայտարարվելու Վրատանում:

Ըստ միջգերատեսչական համակարգող խորհրդի օպերացիոն շտաբի պետ Գեորգի Գիբրաձեի՝ հունիսի 30-ի ժամը 23:00-ից սկսած, սահմանափակումն այլևս ուժի մեջ չի լինի: Տեղաշարժի սահմանափակումը գործում էր  23:00-ից 04:00-ն։

«Մենք հուսով ենք, որ երկրում համաճարակաբանական իրավիճակը կզարգանա այնպես, որ ապագայում ստիպված չենք լինի որևէ սահմանափակում մտցնել, այնուամենայնիվ, ցանկացած սահմանափակում և կանոնակարգ պայմանավորված է առկա համաճարակաբանական իրավիճակով և հիմնված վերլուծության վրա, որն ամեն օր տրվում է մեզ», - ասել է Գեորգի Գիբրաձեն: