Վրաստանը հուլիսի 1-ից վերացնում է պարետային ժամը

Վրաստանում հուլիսի 1-ից գիշերը տեղաշարժվելու սահմանափակումը կվերացվի. հայտնում են վրացական ԶԼՄ-ները:

Երկրում պարետային ժամը մտցվել էր 2020 թվականի նոյեմբերի 28-ին՝ կորոնավիրուսային համաճարակի հետ կապված: Ժամը 21.00-ից 5.00-ն արգելվում էր բնակչության գտնվելը հասարակական վայրերում, ինչպես նաև շարժվել ոտքով կամ տրանսպորտով:

Վրաստանի վարչապետն այսօր ասել է, որ հունիսի 22-ից երկրում կչեղարկվի մեկ այլ սահմանափակում` դիմակների պարտադիր կրումը բաց երկնքի տակ: Այնուամենայնիվ, տրանսպորտում և փակ տարածքներում մարդիկ դեռ ստիպված կլինեն դիմակներ կրել:

Վերջին մեկ օրվա ընթացքում Վրաստանում հայտնաբերվել է կորոնավիրուսային վարակի 914 նոր դեպք, 24 մարդ մահացել է: Համաճարակի սկզբից մինչ օրս երկրում 360,055 մարդ հիվանդացել է, որոնցից 5199-ը մահացել են: