ՏԵՍԱՆՅՈՒԹ․ Այս մանգաղով քաղաքական մոլախոտերին կհնձեք․ Կութեցին մանգաղ նվիրեց Քոչարյանին

Վարդենիսում «Հայաստան» դաշինքի քարոզարժավի ժամանակ մի գյուղացի մանգաղ նվիրեց «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանին՝ հայտնում է Yerkir.am-ը։

« Մուրճն ու մանգաղը տեսել ենք՝ մանգաղը բիոգործիք է գյուղացու համար․ ես բերել եմ մի մանգաղ, որը ուզում եմ նվիրել ձեզ, հարգարժան նախագահ, որպեսզի վերականգնեք գյուղնախարարությունը և այս մանգաղով քաղաքական մոլախոտերին հնձեք»,-ասաց վարդենիսցին։

Քոչարյանն արձագանքեց․ «Ես սկզբից որ տեսա, վախեցա, ասացի՝ կարո՞ղ է կաստրացիայի գործիք է․․․ բարեբախտաբար՝ ոչ»։

Գյուղացին նաև հարց ուղղեց Քոչարյանին՝ Ալիևն ու Էրդողանը, երբ գտնվում էին Շուշիում, նույն օրը ինչո՞ւ պետք է Փաշինյանը մուրճ վերցներ և ասեր, որ բոլորին կալանավորելու է։

Ռոբերտ Քոչարյանը պատասխանեց․ «Շատ ցավալի է, որ երբ Ալիևն ու Փաշինյանը Շուշիում էին, Փաշինյանը սպառնալիքներ էր հնչեցնում, նաև հայտարարեց, որ ՀՅԴ-ն դրոշն է վառելու․ ես բացատրություն  չունեմ, մտածում եմ, որ, հավանաբար, այդ 5 միլիարդ դոլարը ամբողջությամբ չի ստացել, երևի դեռ գործ կա անելիք՝ հանձնելու, տապալելու, Հայաստանը այն աստիճանի թուլացնելու, որ տարածաշրջանում որևէ վճռորոշ դերակատարում չունենանք»։

Մանրամասն՝ տեսանյութում․