Էրդողանը հայտարարել է, որ «կվերականգնեն Ղարաբաղը», իսկ Շուշին կդառնա թյուրքական աշխարհի մշակութային մայրաքաղաքը

Թուրքիայի նախագահ Թայիփ Էրդողանը հայտարարել է Ադրբեջանի հետ Ղարաբաղը լիովին վերականգնելու պատրաստակամության մասին: Նա չորեքշաբթի ելույթ է ունեցել Ադրբեջանի խորհրդարանում՝ ասելով․ «Մենք երեկ անցանք Ղարաբաղով, 30 տարվա հակամարտությունից հետո այնտեղ տեսանք ավերածություններ: Բայց Թուրքիան և Ադրբեջանը միասին կվերակառուցեն ամեն ինչ, կկառուցեն նոր Ղարաբաղ»։

«Հուսով ենք, որ ապագայում Շուշին կդառնա թյուրքական աշխարհի մշակութային մայրաքաղաքը... Այսօր Շուշին վերակենդանանում է: Այս համատեքստում՝ Շուշի քաղաքը որպես Ադրբեջանի մշակութային մայրաքաղաք հայտարարելը հստակ ուղերձ է աշխարհին: Մեզ համար պատիվ կլինի, եթե հաջորդ տարի Շուշին դառնա թյուրքական աշխարհի մշակութային մայրաքաղաքը»,- հայտարարել է թուրք նախագահը: