Էրդողանը հայտարարել է Թյուրքական խորհրդի անվանափոխության մասին

Թյուրքալեզու պետությունների համագործակցության խորհուրդը (Turkic Council) փոխել է իր անվանումը՝ դառնալով Թյուրքական պետությունների կազմակերպություն։ Այս մասին ուրբաթ հայտարարել է Թուրքիայի նախագահ Թայիփ Էրդողանը` Ստամբուլում անցկացվող` խորհրդի անդամ երկրների VIII գագաթնաժողովի արդյունքները ամփոփելով։

«Մենք որոշեցինք վերանվանել մեր խորհուրդը։ Այսուհետ այն կրում է Թյուրքական պետությունների կազմակերպություն անվանումը։ Նոր անվան և կառուցվածքի շնորհիվ Թյուրքական պետությունների կազմակերպությունն ավելի ակտիվ կզարգանա, կամրապնդվի և կհզորանա»,- ասել է Էրդողանը։

Թուրքիայի նախագահի խոսքով՝ գագաթնաժողովում հաստատվել է թյուրքական աշխարհի հայեցակարգը` մինչեւ 2040 թվականը: