Այս պահին Երևանում sett-weather
Փոխարժեքներ 31 10 2024
USD ⚊ $ 387.05
EUR ⚊ € 419.37
RUB ⚊ ₽ 3.99
GBP ⚊ £ 502.08
GEL ⚊ ₾ 140.68
կարևոր
0 դիտում, 3 տարի առաջ - 2021-05-09 20:46
Քաղաքական

Որդեգրվեց Արցախի երիտասարդական կազմակերպությունների հռչակագիրը

Որդեգրվեց Արցախի երիտասարդական կազմակերպությունների հռչակագիրը
Այսօր՝ մայիսի 9-ի խորհրդանշական օրը ՀՅԴ Արցախի երիտասարդական միության նախաձեռնությամբ ԱՀ Ազգային ժողովի դահլիճում տեղի է ունեցել «Արցախի երիտասարդական համաժողով»-ը, որի ավարտին Արցախի 32 հասարակական և երիտասարդական կազմակերպությունների կողմից ընդունվեց պատմական Հռչակագիր: Այս մասին տեղեկացնում է Արցախի Երիտասարդական Միության ֆեյսբուքյան էջը:
 
Արցախի Հանրապետության երիտասարդական կազմակերպությունների
 
Հ Ռ Չ Ա Կ Ա Գ Ի Ր Ը
 
Մենք՝ Արցախի երիտասարդական կազմակերպությունների ներկայացուցիչներս,
 
Հաշվի առնելով 2020թ․-ի աշնանը Արցախի Հանրապետության եւ նրա խաղաղ բնակչության նկատմամբ սանձազերծված ադրբեջանական-թուրք-ահաբեկչական 44 օրյա պատերազմի հետեւանքով․
 
• Հայրենիքի զգալի մասի բռնազավթումը,
 
• Հազարավոր զինվորների, կամավորների, ազատատենչ հայորդիների նահատակությունը,
 
• Պատերազմի հետեւանքով հազարավոր անհայտ կորած, հաշմանդամություն ձեռք բերած եւ վիրավորում ստացած անհատների ճակատագիրը,
 
• Տասնյակ հազարավոր մեր հայրենակիցների տեղահանությունը,
 
• Սոցիալ-տնտեական եւ քաղաքական ծանր ճգնաժամը,
 
• Պետության առջեւ ծառացած լրջագույն մարտահրավերները,
 
Կարեւորելով`
 
Ազգային ներուժի համախմբման, նորոգման եւ ամրապնդման գործում Հայաստան-Արցախ-Սփյուռք եռամիասնության բացառիկ հնարավորությունները
 
Գիտակցելով`
 
Պետության զարգացումը, հզորացումն ու հարատեւությունը ապահովելու հրամայականը
 
Հարատեւ պայքարի վճռականությամբ հայտարարում ենք, որ հանձնառու ենք․
 
• Վերականգնել Արցախի Հանրապետության տարածքային ամբողջականությունը,
 
• Իրացրած լինելով ժողովուրդների իրավահավասարության եւ ազատ ինքնորոշման սկզբունքը՝ հետապնդել Արցախի Հանրապետության անկախ եւ ինքնիշխան անխուսափելի կարգավիճակի՝ միջազգային ճանաչումը,
 
• Լծվել պետականաշինության, անվտանգային, ազգային, պատմամշակութային եւ հոգեւոր հիմնասյուների, ինչպես նաեւ սոցիալ-տնտեսական ենթակառուցվածքների զարգացման, հզորացման եւ ամրապնդման սուրբ գործին։
 
Արձանագրելով, որ Արցախի հարցի կարգավորումը հանդիսանում է համայն հայության գերագույն իդեալի՝ միացյալ Հայաստանի կերտման առաջին հանգրվանը՝ մենք կոչ ենք անում աշխարհասփյուռ հայությանը, մասնավորաբար հայ երիտասարդությանը իր ողջ ներուժը, գիտելիքները, հնարավորություններն ու մասնագիտական կարողությունները ի սպաս դնել վերոնշյալ նպատակների իրագործմանն ու իրականություն դարձնել Արցախյան հակամարտության վերջնական եւ հայանպաստ կարգավորումը։
 
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը