Ոստիկանապետին ու քաղաքապետին նամակ ենք գրել, եթե դրական պատասխան չլինի, մեր ակցիաները կշարունակենք․ վարորդները բողոքում են

Զբոսաշրջային ծառայություններ մատուցող մարդատար փոքր ավտոմեքենաների վարորդներն այսօր բողոքի ակցիա էին իրականացնում Հանրապետության հրապարակում։ Բանն այն է, որ քաղաքապետարանը որոշում է կայացրել , որով արգելվել է այդ ավտոմեքենաների կայանումը Հյուսիսային պողոտայի սկզբնամասից մինչև Հանրապետության հրապարակ։  Ակցիայի ժամանակ վարորդները ստորագրահավաք կազմակերպեցին՝  ձևակերպված դիմումները հասցեագրելով ՀՀ Ոստիկանապետին ու Երևանի քաղաքապետին՝  պանաջելով իրենց նախկին կայանատեղիներից հեռացնել դեղին գծանշումները, և թույլ տալ կայանել իրենց մեքենաները մինչև դիմումների պատասխան ստանալը։ Ըստ ակցիայի մասնակիցների՝  հիշյալ որոշման արդյունքում 50-60 ընտանիք մնում է առանց օրվա եկամուտի։