ՀՅԴ Կենտրոնական Կոմիտեն ողջունում է Ջո Բայդենի ուղերձը և պահանջում այն վերածել քաղաքական կայուն նախաձեռնությունների

Մենք կ՛ողջունենք Նախագահ Ճօ Պայտընի յայտարարութիւնը` ի յիշատակ Հայոց Ցեղասպանութեան տարելիցին: Միացեալ Նահանգներուն կողմէ Ցեղասպանութեան յանցագործութեան դաշնակցային մակարդակի ընդունումը լուրջ պատասխանատւութեան յայտ է, ներառեալ բարոյական և գործնական պայմանագրային խոր պարտաւորութիւններ ստանձնելու առումով: Չափազանց երկար ժամանակ, իրար յաջորդող վարչակազմերը կ’օգտագործէին բառախաղային մտավարժանքներ՝ խուսափելու համար ցեղասպանութիւն եզրոյթէն և թոյլ տուած էին, որ Թուրքիոյ կառավարութիւնը անոնց լռութիւնը վերածէ յանցաւոր անցեալը ուրանալու զէնքի մը։

Միացեալ Նահանգներու հայ համայնքը երկար ու քրտնաջան պայքար մղած է՝ հիմնաւորուած փաստարկներով և Հայ Դատի Յանձնախումբի արդիւնաւետ քաղաքական աշխատանքի միջոցով` լոյս սփռելու ճշմարտութեան վրայ և յաղթահարելու մեծապէս ֆինանսաւորուող թրքական քարոզչական մեքենան: Երկու տարիներու կարճ ժամանակամիջոցին Ա.Մ.Ն.-ի Քոնկրէսը հաստատեց Հայոց Ցեղասպանութեան փաստը, Քոնկրէսի գրադարանը փոխեց իր դասակարգումը «Հայկական Ջարդեր»-էն «Հայոց Ցղասպանութիւն» և այժմ Ա.Մ.Ն.-ի նախագահը վերջին գամը դրաւ ժխտման դագաղին: Ա.Մ.Ն.-ը այժմ պէտք է Նախագահի ուղերձը վերածէ կայուն քաղաքական նախաձեռնութիւններու, որոնք ուղղուած են վերջ դնելու արդարութեան հաստատման խոչընդոտող Թուրքիոյ ջանքերուն և թուրքերու ու հայերու հետ շփումներով յառաջանալ դէպի տարածաշրջանային կայուն խաղաղութիւն` հիմնուած Հայոց Ցեղասպանութեան հարցի ճշմարիտ, արդար և համապարփակ լուծման վրայ:

Այժմ մեկուսացուած մնալով՝ Թուրքիոյ կառավարութիւնը պէտք է դադրեցնէ իր ժխտողական արշաւը, ընդունի հայ ժողովուրդի դէմ կատարուած ահաւոր յանցագործութիւնը և սկսի մեղքերը քաւել։ Ընդունիլը, մեղանչելը և հատուցումը բոլորն ալ անհրաժեշտ են, որպէսզի վերջապէս կարենանք խաղաղ, արժանապատիւ և արդարութեան հաստատումով առաջ շարժիլ:

Հ.Յ.Դ. Ա.Մ.Ն. Արեւելեան Շրջանի Կեդրոնական Կոմիտէ
Հ.Յ.Դ. Հ.Ե.Դ. Արեւելեան Շրջանի Կեդրոնական Վարչութիւն