Թուրքիան նոր սարքավորումներ է տրամադրել Վրաստանում գտնվող Մառնեուլի ռազմական օդանավակայանին

Թուրքիան նոր սարքավորումներ է տրամադրել Վրաստանում գտնվող Մառնեուլի ռազմական օդանավակայանին: Ըստ Վրաստանի ՊՆ-ի՝ սարքավորումներն արդեն ստացվել են:

Նշենք, որ նախկինում Անկարան երկու անգամ վճարել էր ռազմակայանի արդիականացման և ՆԱՏՕ-ի ստանդարտներին համապատասխանության համար`1999 և 2004 թվականներին: Սակայն ռազմաբազան ոչնչացվել էր ռուսական ավիացիայի կողմից 2008 թվականին՝ խաղաղապահ գործողության ընթացքում:

2020-ի վերջին Թուրքիան հատկացրել է երրորդ դրամաշնորհը (17,5 միլիոն դոլար)՝ օբյեկտի վերակառուցման համար:

Նշենք, որ Մառնեուլի օդանավակայանը, որը չի բացառվում՝ կդառնա հետագայում Թուրքիայի կամ ՆԱՏՕ–ի ավիաբազա, գտնվում է ՀՀ սահմանից 20-25 կմ հեռու։