Պատերազմի ընթացքում Թուրքիան աջակցություն էր ցուցաբերում բոլոր մակարդակներում. Բայրամով

2021 թ. մարտի 10-ին Ադրբեջանի արտաքին գործերի նախարար Ջեյհուն Բայրամովը ընդունել է Թուրքիայի Ազգային մեծ ժողովի արտաքին հարաբերությունների հանձնաժողովի նախագահ Աքիֆ Չաղաթայի գլխավորած պատվիրակությանը:

Ադրբեջանցի նախարար նշել է, որ 44-օրյա պատերազմի ընթացքում Թուրքիան հսկայական աջակցություն է ցուցաբերել բոլոր մակարդակներով՝ Ազգային մեծ ժողովի, բոլոր պետական կառույցների՝ ներառյալ պաշտպանության և արտաքին գործերի նախարարությունների և, վերջապես, եղբայրական թուրք ժողովրդի մակարդակով:

Թուրք պաշտոնյան էլ, իր հերթին, վերահաստատել է, որ Թուրքիան ամեն պարագայում գտնվում է Ադրբեջանի կողքին, իսկ ստորագրված եռակողմ հայտարարությունը «նոր հնարավորություններ է բացում տարածաշրջանում»։