կարևոր
2350 դիտում, 11 ամիս առաջ - 2023-07-21 14:59
Քաղաքական

Բոյկոտե՛լ բոլոր հնարավոր մակարդակներում՝ պետական ապարատ, ժամանցի վայրեր,սպասարկման սրահներ,տարբեր միջոցառումներ,որտեղ ներկա է ՔՊ-ն․ Արսեն Ջուլֆալակյան

Բոյկոտե՛լ բոլոր հնարավոր մակարդակներում՝ պետական ապարատ, ժամանցի վայրեր,սպասարկման սրահներ,տարբեր միջոցառումներ,որտեղ ներկա է ՔՊ-ն․ Արսեն Ջուլֆալակյան

ՀՀ ԱԺ նախկին պատգամավոր Արսեն Ջուլֆալակյանը ֆեյսբուքյան իր էջում գրել է․

«Վերջին շրջանում քաղաքացիների կողմից ամենահաճախ հնչող հարցը. ի՞նչ անել այս պատուհաս իշխանության դեմ, երբ ընդդիմությունը բացարձակ պասիվ է…

Բոյկոտե՛լ

Բոյկոտե՛լ բոլոր հնարավոր մակարդակներում՝ պետական ապարատ, ժամանցի վայրեր,սպասարկման սրահներ,տարբեր միջոցառումներ,որտեղ ներկա է քպ-ն, մրցանակաբաշխություններ,

պետական տոներ և հանդիսություններ, ուղղակի փողոցով քայլելիս…

Այս իշխանությունն ամեն վայրկյան,ամեն քայլի պետք է զգա,որ մերժված է, ատելի, բացարձակ ձախողված:

Պատկերացրեք, օրինակ, ինչքան ազդեցիկ կլինի, երբ որևէ ներկայացման ընթացքում, երբ պարզվի, որ ներկա է նաև վարչապետի պաշտոնը զբաղեցնողը, մարդիկ ցուցադրական լքեն դահլիճը...

Կամ սրճարանի մատուցողը ժամերով չսպասարկի քպ-ականին...

Որևէ հայտնի մարդ ցուցադրաբար հրաժարվի ազգակործանի կողմից տրվող պարգևից...

Ո՞ւմ են պետք պարգևներ կամ մեդալներ՝ ստորագրված դավաճանի կողմից:

Օրինակներ շատ կարելի է բերել: Ընդ որում,դա կարելի է անել գրագետ հիմնավորումներով, որ հետագայում նաև գործից ազատվելու խնդիր չառաջանա:

2020թ նոյեմբերի 10-ից սկսած և՛ ես, և՛ ընտանիքս այդպես ենք վարվում:

Չի եղել որևէ միջոցառում, որտեղ այդ պատուհասների հետ միասին ներկա լինենք՝ լինի Հայաստանի Անկախության տոն, համերգ, դպրոցի բացում, մարզական ինչ որ մրցաշար, կամ մեկ ուրիշ բան... Նույնիսկ 20-ամյա սպորտային փառահեղ կարիերայիս հրաժեշտի միջոցառմանը հրավիրված չի եղել ոչ մի պետական պաշտոնյա:

Էլ չասած, թե քանի ընկերոջ և մերձավորի հետ է հարաբերություն խզվել այդ նույն սկզբունքով:

Բոյկոտե՛ք հարգելի հայրենակիցներ, մինչև ընդդիմությունն առավել ազդեցիկ և գործնական քայլեր առաջարկի»: