Լավրովն ԱՄՆ-ին սպառնացել է պատասխան պատժամիջոցներով

Ռուսաստանի արտաքին գործերի նախարար Սերգեյ Լավրովը հայտարարել է, որ Մոսկվան պարտադիր կպատասխանի Ռուսաստանի Դաշնության դեմ ԱՄՆ-ի հնարավոր պատժամիջոցներին. հաղորդում է ՌԻԱ «Նովոստի»-ն:

«Արձագանք միանշանակ կլինի: Ոչ ոք չեղյալ չի համարել դիվանագիտության կանոնները, դիվանագիտության կանոններից մեկը փոխադարձությունն է»,- Ուզբեկստանից իր գործընկերոջ հետ բանակցություններից հետո կայացած մամուլի ասուլիսում հայտարարել է ՌԴ ԱԳՆ ղեկավարը:

Ավելի վաղ Reuters-ը, վկայակոչելով իր աղբյուրները, հայտնել էր, որ Միացյալ Նահանգները կարող է նոր պատժամիջոցներ կիրառել Ռուսաստանի դեմ Ալեքսեյ Նավալնիի հետ կապված իրավիճակի պատճառով: Նույնը մեկ օր առաջ  հաղորդել էր CNN-ը։ Հակառուսական պատժամիջոցների կիրառումը կհամաձայնեցվի Եվրամիության հետ։