ՏԵՍԱՆՅՈՒԹ․ Ընտրությունները չպետք է անցկացնի տոտալ վարչական ռեսուրս կիրառող մարդը. Նաիրա Զոհրաբյան

Այո՛ արտահերթ ընտրություններին, բայց ո՛չ Նիկոլ Փաշինյանի կողմից անցկացվող արտահերթ ընտրություններին՝ ըստ Yerkir.am-ի ասաց ԱԺ ԲՀԿ խմբակցության պատգամավոր Նաիրա Զոհրաբյանը ճեպազրույցում:

Նրա համոզմամբ՝ ստեղծված իրավիճակի հանգուցալուծումն արտահերթ ընտրություններն են, բայց դրանք չի կարող և չպետք է անցկացնի տոտալ վարչական ռեսուրս կիրառող մարդը։

«Կիրառելով վարչական ռեսուրս, ահաբեկելով, կաշառելով, սպառնալով՝ մարդկանց տանելու է ընտրատեղամաս: Նիկոլ Փաշինյանը չի կարող այլևս լինել ՀՀ-ում ազատ և արդար որևէ գործընթացի կազմակերպիչ՝ ընտրություն լինի, թե հանրաքվե: Վստահեցում եմ՝ Նիկոլ Փաշինյանը Հայաստանում որևէ ընտրություն չի անցկացնելու»,-ասաց պատգամավորը:

Նա ընդգծեց, որ երեկ իշխանություններն իրենց բոլոր վարչական ռեսուրսներն օգտագործել են, որպեսզի հանրահավաքին այդքան մարդ հավաքեն: Նկատեց, որ որեւէ իշխանություն այդքան ռեսուրս չի օգտագործել նման ձեւով մարդկանց հանրահավաքի բերելու համար:

Նաիրա Զոհրաբյանի համար անընդունելի է, որ իշխանությունները Մարտի 1-ին հրավիրած հանրահավաքը վերջում վերածել են հավաքույթի, ծափեր են տվել, վանկարկել:

Մանրամասն՝ տեսանյութում․