ՏԵՍԱՆՅՈՒԹ․ Լուսանկարները պետք է մամուլում ցույց տան, որ ընտանիքներն իմանան՝ իրենց հայրը ո՞նց է փող վաստակում․ Մանուկյանը՝ ոստիկաններին

Մենք ոստիկաններ շատ ենք տեսել, Խորհրդային Միությունում ենք պայքարել, տարբեր նախագահների ժամանակ ենք պայքարել, բայց այն դաժանությունը, որ ես այսօր տեսա՝ այդպիսի դաժանություն երբեք չի եղել՝ ըստ Yerkir.am-ի հայտարարեց Հայրենիքի փրկության շարժման վարչապետի միասնական թեկնածու Վազգեն Մանուկյանը Ոստիկանության կենտրոնական վարչության շենքի առջև, որտեղ կանգ առավ բողոքի երթը։

Նա և երթի այլ առաջնորդներ ծաղիկներ խոնարհեցին Հայաստանի Առաջին Հանրապետության հիմնադիր Արամ Մանուկյանի կիսանդրու առջև, որը տեղադրված է Ոստիկանության շենքի դիմաց։

«Էդ ո՞ւմ եք պաշտպանում դուք։ Պատասխան եք տալու մինչև վերջ։ Մեր բանակի սաղմերը Ոստիկանությունից սկսվեցին, մեր ոստիկաններն էին Լաչինը պաշտպանում, և այսպիսի դաժան Ոստիկանություն, որը հիմա է, երբեք չեմ տեսել»,-ասաց Մանուկյանը։

Նրա համար անհասկանալի է, որ ոստիկանները պաշտպանում են մի մարդու, որը հանձնել է հայրենիքը և հազարավոր զոհերի պատճառ դարձել։

Վազգեն Մանուկյանը նշեց, որ բոլորի լուսանկարները պետք է մամուլում ցույց տան, որ ընտանիքներն իմանան՝ իրենց հայրը ո՞նց է փող վաստակում։

Մանրամասն՝ տեսանյութում․