ԱԷՄԳ-ի ղեկավարը գնում է Իրան. կքննարկվի միջուկային գործարքը

Ատոմային էներգիայի միջազգային գործակալության գլխավոր տնօրեն Ռաֆայել Գրոսին փետրվարի 20-ին կայցելի Իրան՝ երկրի իշխանությունների հետ քննարկելու միջուկային ծրագրի շուրջ համագործակցությունը: Այս մասին Twitter-ում հայտնել է Վիեննայում միջազգային կազմակերպություններում Իրանի մշտական ներկայացուցիչ Քազեմ Ղարիբ Աբադին:

«ԱԷՄԳ-ի գլխավոր տնօրենը շաբաթ օրը մեկնում է Թեհրան՝ Իրանի ատոմային էներգիայի կազմակերպության հետ տեխնիկական քննարկումներ անցկացնելուհամագործակցությունը, նոր համաձայնագրերի և իրավիճակի զարգացումների ֆոնին, շարունակելու ուղիների վերաբերյալ»,- ասվում է հայտարարության մեջ:

Դիվանագետը հավելել է, որ նոր օրենսդրությունը, որը նախատեսում է ԱԷՄԳ-ի տեսուչների մուտքի սահմանափակում, կիրագործվի փետրվարի 23-ից: