Իրանը հրթիռներ և անօդաչու թռչող սարքեր է ուղարկում Իրաք

Իրանցի զինվորականները կարող են հրթիռային և ԱԹՍ-ային հարվածներ հասցնել թիրախների դեմ ոչ միայն հարևան Իրաքում, այլ նաև տարածաշրջանի որոշ այլ երկրներում:

Քուվեյթի «Ալ Քաբաս» թերթի համաձայն՝ դա կարող է տեղի ունենալ այն բանից հետո, երբ Դոնալդ Թրամփը լքի Միացյալ Նահանգների նախագահությունը, իսկ Ջո Բայդենը ստանձնի իր պաշտոնը:

Հրապարակման աղբյուրների համաձայն՝ Իրանն Իրաքի հարավում արդեն տեղակայել է Arash բարձր ճշգրտությամբ կառավարվող հրթիռներ, ինչպես նաև անօդաչու թռչող սարքեր. դրանք տեղակայվել են իրաքյան զինված խմբավորումներին պատկանող հատուկ պահպանվող օբյեկտներում:

Նշվում է, որ իրանական բանակի հրամանատարությունն Իրաքում արդեն քննարկել է միջուկային ֆիզիկոս Մոհսեն Ֆախրիզադեի սպանությանը պատասխանելու հնարավորությունը: