Պուտինն ու Մերկելը քննարկել են իրավիճակը Ղարաբաղում

Ռուսաստանի նախագահ Վլադիմիր Պուտինը և Գերմանիայի կանցլեր Անգելա Մերկելը հեռախոսազրույցի ընթացքում ԵԱՀԿ Մինսկի խմբի շրջանակներում հետագա համագործակցության փոխադարձ պատրաստակամություն են հայտնել. երկուշաբթի հաղորդել է Կրեմլի մամուլի ծառայությունը:

«Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել ԳԴՀ կանցլեր Անգելա Մերկելի հետ... Արտահայտվել է ԵԱՀԿ Մինսկի խմբի շրջանակներում հետագա համագործակցության փոխադարձ պատրաստակամություն», - ասվում է հայտարարության մեջ:

«Լեռնային Ղարաբաղի շուրջ իրավիճակը քննարկվել է մանրամասն: Վլադիմիր Պուտինը տեղեկացրել է ռազմական գործողությունները դադարեցնելու ուղղությամբ ձեռնարկված միջնորդական ջանքերի, ինչպես նաև շփման գծի և Լաչինի միջանցքի երկայնքով Բաքվի և Երևանի խնդրանքով տեղակայված ռուս խաղաղապահների գործունեության մասին», - նշվում է հայտարարության մեջ: