Ադրբեջանի անբարոյականության գագաթնակետը. մտադիր են Շուշիում գերի ընկած 80-ամյա Ջոնիկ պապիկին մեղադրանք առաջադրել «Խոջալուի ցեղասպանության» համար

Շուշի քաղաքում գերի ընկած 80-ամյա Ջոնիկ Թևոսյանին մտադիր են վերջնականապես ոչնչացնել Ադրբեջանում:

Սումգայիթի ջարդերից հրաշքով մազապուրծ եղած տարեց մարդուն անվանել են «Խոջալուի դահիճ», որն իբր հետախուզվում էր այս բոլոր տարիներին և ցուցակում 45 համարն էր. հայտնում է Բաղրամյան 26 թելեգրամյան ալիքը։

«Ադրբեջանցիները պատրաստվում են նրան դատել շինծու մեղադրանքով: Ակնհայտ է, որ դժբախտ մարդը չի դիմանա բանտարկությանը:

Այսպիսով՝ Ալիևը ոչ միայն փորձում է արդարացնել հիվանդ տարեց մարդու նկատմամբ անմարդկային վերաբերմունքը, այլ նաև իր համար քաղաքական միավորներ վաստակել, որպեսզի «վրեժխնդիր» լինի Խոջալուի զոհերի համար: Նրան բավական դուր է եկել «ազատարարի» կերպարը: Միևնույն ժամանակ, նա մոռանում է, որ Ղարաբաղը գործնականում իրեն են փոխանցել Սիրիայից ժամանած ահաբեկիչներն ու թուրքական հատուկ նշանակության ջոկատները, որոնց թիկունքում թաքնվում էր Ալիևի բանակը»,– նշում է ալիքը։

Նշենք, որ, ըստ տեղեկությունների, Ջոնիկ Թևոսյանը Սումգայիթ քաղաքից էր, նա հայերի ջարդերի ընթացքում հրաշքով էր փրկվել և հաստատվել Շուշիում։