ՏԵՍԱՆՅՈՒԹ․ ԲՀԿ-ն առաջարկում է սնանկության շեմը բարձրացնել 2 մլն դրամի, վերանայել կետանցի ժամկետը

Սնանկության շեմը բարձրացնելու և պարտապանի կետանցի ժամկետն ավելացնելու օրենդրական նախաձեռնությամբ է հանդես եկել ԲՀԿ խմբակցության պատգամավոր Միքայել Մելքումյանը. հայտնում է Yerkir.am-ը։

«Սնանկության մասին օրենքում» լրացում կատարելու մասին օրենքի նախագիծը քննարկվում է Ազգային ժողովի տնտեսական հարցերի մշտական հանձնաժողովի նիստում:

 «Ունենք մի իրավիճակ, երբ սնանկության շեմը մնացել է 1 մլն, արգելադրման շեմը` 1,5 մլն: Այժմ առաջարկում ենք սնանկության միջանկյալ շեմը դարձնել 2 մլն, որը ինքնանպատակ չէ»,- ասաց Միքայել Մելքումյանը։

ՀՀ արդարադատության փոխնախարարն առաջարկին դրական արձագանքեց։ Ասաց, որ բավական երկար ժամանակ ՀՀ-ում շեմը չի փոխվել, այնինչ այլ երկրներում պարբերաբար բարձրանում է։

«Մենք համաձայնել ենք 2 մլն դարձնել։ Ինչո՞ւ 3 միլիոն չենք դարձնում, որովհետև շեմը պետք է լինի համահարթ, ըստ մեզ, մեր տնտեսության պայմաններում»,- ասաց փոխնախարարը։

Նա նաև նշեց, որ իրենց համար ընդունելի է նախագծի մեկ այլ առաջարկ՝ պարտապանի կետանցի համար նախատեսված 60-օրյա ժամկետը դարձնել 90 օր։

Մանրամասն՝ տեսանյութում: