Թբիլիսիում ԿԸՀ-ն գրանցել է քաղաքական 66 կուսակցություն, 12-ի գրանցումը մերժել է

2020 թվականի խորհրդարանական ընտրությունների համար քաղաքական կուսակցությունների գրանցման գործընթացն ավարտված է. 1tv.ge-ի փոխանցմամբ՝ հայտնում է Yerkir.am-ը:

Կենտրոնական ընտրական հանձնաժողովի տեղեկությամբ, ընտրությունների համար գրանցվել է 66 կուսակցություն:

Հանձնաժողովին ընտրություններին մասնակցելու համար ընդհանուր առմամբ դիմել էր 78 կուսակցություն: Այստեղից 12-ին մերժել են գրանցումը:

«Համապատասխանաբար, ընտրական վարչությունը ընտրական գործընթացի ամենակարևոր մասն ավարտել է:

Քաղաքական կուսակցությունների համար հաջորդ փուլը կլինի քաղաքական ցուցակների ներկայացումը, որը կուսակցությունը-քաղաքական միավորումը պետք է ներկայացնի ԿԸՀ-ի նախագահին (ոչ ուշ քան հոկտեմբերի 1-ը), որից հետո այդ ցուցակները կստուգվեն և կսկսվի նշված կուսակցական ցուցակի գրանցման գործընթացը:

Ինչ վերաբերում է մեծամասնական պատգամավորներին, կուսակցությունը-ընտրական միավորումը յուրաքանչյուր մեծամասնական ընտրական շրջանում ներկայացնելու է Վրաստանի խորհրդարանի մեկական անդամի (ոչ ուշ քան հոկտեմբերի 1-ը)»,- ասված է ԿԸՀ-ի հայտարարության մեջ: