ՏԵՍԱՆՅՈՒԹ․ «Էս գործելակերպին ե՞րբ է վերջ տրվելու»․ Փաշինյանը՝ Բադասյանին

«Սեպտեմբերի 11-ից հետո Արտակարգ դրությունն այլեւս չի երկարաձգվի»,- այս մասին այսօր հայտարարեց ՀՀ արդարադատության նախարար Ռուստամ Բադասյանը, ներկայացնելով ՀՀ մի շարք օրենքներում փոփոխություններ և լրացումներ կատարելու մասին նախագծերի փաթեթը։ Սակայն, փաթերին դեմ արտահայտվեց Մարդու իրավունքների պաշտպան Արման Թաթոյանը շեշտելով, որ դեռեւս հունիսին նախագիծը շրջանառվել է մի շարք պետական մարմինների հետ, բայց Մարդու իրավունքների պաշտպանին չի ուղարկվել․ «Այս մեծ փաթեթը մեզ ուղարկվել է օգոստոսի 25-ին, մեկ օր ժամկետով։ Մեկ օրվա ժամկետով 20 էջից ավելի առաջարկներ ենք ներկայացրել երեկ»,- ասաց Ա․ Թաթոյանն ու շեշտեց, որ մի քանի դիտողություններ են ներկայացրել։

Այստեղ նիստը վարող վարչապետ Փաշինյանն արձագանքեց, հայացքն ուղղելով Ռուստամ Բադասյանին․ «Ես ուզում եմ հասկանալ, այս գործելակերպին ե՞րբ է վերջ դրվելու, սա ինչքա՞ն է շարունակվելու։ Եկեք դադարեցնենք․ կգնաք, կքննարկեք, մինչեւ ստորագրման բերելը։ Կառավարոսւթյան նիստը այն վայրը չի, որ որոշենք թե տեքստում ստորակետը որտեղ պետք է դնենք․․․»։

Մանրամասները՝ տեսանյութում․