Սիրիայում ռուս գեներալ է զոհվել

Օգոստոսի 18-ին Սիրիայում զոհվել է գեներալ-մայոր Վյաչեսլավ Գլադկիխը. հայտնում է  «Ռուսսկայա Վեսնա» պարբերականը՝ վկայակոչելով Սիրիայում իր աղբյուրներին:

Այսօր Դեյր Էզ-Զորից հարավ գտնվող Աթ-Թայմ նավթային հանքավայրի հարևանությամբ ականի պայթյունի հետևանքով զոհվել է ռուս գեներալ, ինչպես նաև Ալ-Մեյադին քաղաքի ազգային պաշտպանության հրամանատար Մուհամմադ Թայսար Ազ-Զահիրը՝ չորս ենթակաների հետ միասին, ևս երեքը վիրավորվել են:

Նա զբաղեցնում էր 36-րդ համազորային բանակի հրամանատարի տեղակալի պաշտոնը, ծառայում էր Անդրբայկալյան երկրամասում:

Գեներալի կոչումը Վյաչեսլավ Վլադիմիրովիչին շնորհվել է Ռուսաստանի Դաշնության նախագահի 12.12.2016 թ. հրամանով։