Թրամփը գերատեսչություններին հրամայել է գնել միայն ամերիկյան դեղեր

ԱՄՆ նախագահ Դոնալդ Թրամփը հրամանագիր է ստորագրել, որով երկրի կառավարության գերատեսչություններին պարտավորեցվում է գնել որոշակի տեսակի դեղեր բացառապես ամերիկյան արտադրողներից:

«Վերջերս ես ստորագրեցի նոր հրաման, որի նպատակն է ապահովել, որ մենք գնենք ամերիկյան դեղամիջոցներ, երբ խոսքը վերաբերում է հիմնական դեղամիջոցներին: Գործադիր կարգադրությունը կպահանջի ԱՄՆ կառավարական գերատեսչություններին ձեռք բերել բոլոր անհրաժեշտ հիմնական դեղերը ամերիկացի մատակարարներից», - հայտնում է ՏԱՍՍ-ը:

Ըստ ԱՄՆ նախագահի՝ հրամանագիրը վերացնում է նաև «ավելորդ օրենսդրական խոչընդոտները» տեղական արտադրողների համար: Թրամփի խոսքով՝ այս միջոցը, ի թիվս այլ բաների, կօգնի կանխել դեղամիջոցների գների բարձրացումը, ինչպես նաև «թույլ կտա ամերիկյան ընկերություններին մրցել համաշխարհային մակարդակում»:

Միացյալ Նահանգներում վաճառվող դեղագործական արտադրանքի շուրջ 72% -ը արտադրվում է այլ երկրներում, ներառյալ Չինաստանում: