Լեհաստանում ԼԳԲՏ դրոշներով պղծել են Քրիստոսի և Կոպեռնիկոսի արձանները

ԼԳԲՏ համայնքի կողմնակիցներն ակցիա են իրականացրել Լեհաստանի մայրաքաղաք Վարշավայում` ԼԳԲՏ դրոշներ են ամրացրել քաղաքի հիմնական արձանների, այդ թվում` Քրիստոսի և Կոպեռնիկոսի արձանների վրա. ըստ Yerkir.am-ի` տեղեկացնում է EADaily-ն:

Սադրիչները սոցցանցերում նաև «մանիֆեստ»  են հրապարակել, որում իրենց արարքը որակել են «փոթորիկ» ու «գրոհ»:

«Քանի դեռ ինչ-որ մեկն այս դրոշից վատ է զգում կամ «անտեղի» համարում, մենք հանդիսավորությամբ խոստանում ենք սադրել»,- ասվում է «մանիֆեստում»:

Ոստիկանության տվյալներով` դեռևս ոչ ոք չի ձերբակալվել: Յուրաքանչյուր դեպքով ոստիկանները միջոցառումներ են իրականացնում` հնարավոր ականատեսներին ու մեղավորներին գտնելու համար:

Ի դեպ, վերջերս Եվրամիությունը Լեհաստանի ֆինանսավորման հարցը կապել է «օրենքի գերակայության» հետ: Մի շարք փորձագետներ համարում են, որ այդ կերպ Բրյուսելը շանտաժի է ենթարկելու Վարշավային, որպեսզի նա հրաժարվի ավանդական ընտանեկան արժեքներից: