Իրանի և ԵԱՏՄ միջեւ ապրանքաշրջանառության ծավալը կավելանա 14 տոկոսով

Իրանի և Եվրասիական տնտեսական միության անդամ երկրների միջև ընդհանուր ապրանքաշրջանառության ընդհանուր ծավալն ավելացել է 14 տոկոսով՝ կազմելով 2.416 մլրդ դոլար. այս մասին հայտնում է ԻՌՆԱ-ն՝ հղում անելով Իրանի արտաքին առեւտրի զարգացման կազմակերպությանը։

Ըստ Արտաքին առեւտրի զարգացման հարցերով կազմակերպության հայտարարության՝ Իրանի և ԵԱՏՄ երկրների միջև ապրանքաշրջանառությունն ավելացել է՝ չնայած միջազգային առեւտրի անկմանը կորոնավիրուսի պատճառով։ Միևնույն ժամանակ, ԵԱՏՄ երկրների արտահանումը դեպի Իրան 2019-2020 թվականներին կազմել է 1.736 մլրդ դոլար՝ ավելանալով 13 տոկոսով՝ ի տարբերություն անցած տարված նույն ժամանակաշրջանի։

Հիշեցնենք՝ ժամանակավոր համաձայնագիրը, որը ենթադրում է ԵԱՏՄ անդամ երկրների ու Իրանի միջև ազատ առևտրի գոտու ստեղծում, ստորագրվել է 2018 թվականին Աստանայում․ այն հաստատում է ԵԱՏՄ ու Իրանի միջեև առևտրի հիմնական կանոնները։ Համաձայնագիրն ուժի մեջ է մտել 2019 թվականի հոկտեմբերին։