Հուսով եմ` կքննարկենք 2015-ին ապրանքաշրջանառության ծավալների նվազման հարցը. Պուտինը` Սարգսյանին

ՌԴ նախագահ Վլադիմիր Պուտինի քաղաքամերձ «Նովո Օգարյովո» նստավայրում ավարտվել է ՀՀ  նախագահ Սերժ Սարգսյանի եւ Վլադիմիր Պուտինի  հանիպումը:  Երկու երկրների  ղեկավարները  քննարկել են  հայ-ռուսական համագործակցության հետագա զարգացումերը տարբեր ոլորտներում, այս մասին հայտնում է Կրեմլի պաշտոնական կայքը:

«Մենք հաճախ ենք  հանդիպում եւ հեռախոսազրույցներ ունենում եւ գրեթե ամեն անգամ տարբեր ֆորումների ժամանակ երկկողմ հանդիպումներ ենք ունենում: Այդուհանդերձ մենք միշտ քննարկելու հարցեր ունենք` հաշվի առնելով  Ռուսաստանի եւ Հայաստանի հարաբերությունների հատուկ բնույթը, Հայաստանի անդամակցությունը ԵՏՄ-ին եւ ՀԱՊԿ-ի կազմում Հայաստանի լայնաֆորմատ գործունեությունը: Հաճելի է, որ  Ռուսաստանը շարունակում է մնալ  Հայաստանի թիվ մեկ առեւտրատնտեսական գործընկերը: Նախորդ տարի, 2013-ի համեմատ,  զգալի մեծացել էր ապրանքաշրջանառությունը, սակայն ցավոք այս տարվա առաջին կեսին ապրանքաշրջանառության ծավալները նվազել են: Մենք, կարծում եմ, այսօր կխոսենք այդ մասին: Այս հարցում կան նրբություններ, որոնց պատասխանները ես դեռ չգիտեմ եւ կցանկանայի քննարկել Ձեզ հետ:  Ամեն դեպքում ուրախ ենք Ձեզ տեսնել Մոսկվայում: Բարի գալուստ»,- ասել է Պուտինը: