ՏԵՍԱՆՅՈՒԹ․ Ժամկետային զինծառայողները խնդրել են իրենց չզորացրել․ Արծրուն Հովհաննիսյան

Մոտ 137 կրակոց է եղել ՀՀ սահմանագոտու տարբեր հատվածներում․ երեկ գիշեր կրկին համեմատաբար հանգիստ է անցել՝ ըստ Yerkir.am-ի ասաց Իջեւանում ստեղծված լրատվական ճգնաժամային կենտրոնի պատասխանատու Արծրուն Հովհաննիսյանը

«Մասնավորապես, Տավուշի տարբեր գյուղերի ուղղությամբ տեղակայված մարտական դիրքերում եղել են կրակոցներ, հիմնականում՝ անկանոն, որոնց ի պատասխան, որպես կանոն մեծ մասին, ՀՀ զինված ուժերը պատասխան կրակ չեն վարել: Եղել են նաև այլ բանակային կորպուսների և մարզերի ուղղությամբ կրակոցներ»,-ասաց նա:

Արծրուն Հովհաննիսյանը նշեց, որ, մասնավորապես, Ճամբարակի ուղղությամբ է եղել կրակոց, օգտագործվել է ավտոմատ նռնականետ։

«Դիպուկ կրակոցներին մեր զինված ուժերը պատասխանել են դիպուկ կրակով, արդյունքում՝ լռեցրել»,- ասաց Արծրուն Հովհաննիսյանը:

Ադրբեջանական սադրանքի հետևանքով սահմանին վիրավորված մեր զինծառայողների առողջական վիճակի մասին նա ասաց․ «Մեր վիրավորների վիճակը շարունակում է մնալ նույնը: Անփոփոխ է: Մեկ վիրավորի վիճակը շարունակում է մնալ ծայրահեղ ծանր»։

Նա նշեց, որ 3-րդ բանակային կորպուսի ժամկետային զինծառայողները դիմել են հրամանատարությանը՝ խնդրելով իրենց չզորացրել:

Մանրամասն՝ տեսանյութում․