Սան Ֆրանցիսկոյում բողոքի ցույցերի ընթացքում կոտրել են ԱՄՆ-ի օրհներգի հեղինակի հուշարձանը

Սան Ֆրանցիսկոյում ռասայական խտրականության դեմ բողոքի ակցիայի մասնակիցները երեք հուշարձան են «հողին հավասարեցրել», որոնցից մեկը պատկանում էր Ֆրենսիս Սքոթ Քիին՝ ԱՄՆ օրհներգի տեքստի հեղինակին. այս մասին գրում է NBC Bay Area-ն:

Ցուցարարների գործողություններից տուժել են նաև ԱՄՆ 18-րդ նախագահ Ուլիս Գրանտի և միսիոներ Հունիպերո Սերայի հուշարձանները:

Ոստիկանության տվյալների համաձայն՝ Գրանտի հուշարձանի մոտ հավաքվել է մոտ 400 մարդ, բայց ցուցարարների և ոստիկանության միջև բախումներ չեն եղել։

Հիշեցնենք՝ ԱՄՆ-ում պատմական գործիչների հուշարձանները սկսել են ջարդուփշուր անել կալանավորման ընթացքում աֆրոամերիկացի Ջորջ Ֆլոյդի զոհվելուց հետո սկսված ռասիզմի դեմ բողոքի ցույցերի ֆոնին: