ՏԵՍԱՆՅՈՒԹ․ Պետք է տեղորոշել ովքեր են ասում՝ վիրուս չկա, և հասկանալ շարժառիթները․ Փաշինյան

Կորոնավիրուսով վարակի թվերը ընդամենը արտահայտությունն են, թե ՀՀ-ում վերջին 14 օրում ինչպես են պահվել հակահամաճարակային կանոնները՝ ըստ Yerkir.am-ի հայտարարեց ՀՀ վարչապետի Նիկոլ Փաշինյանը կառավարության նիստում, որը քննարկում էր արտակարգ դրությունը ՀՀ-ում ևս մեկ ամսով երկարացնելու հարցը։

Երեկվա դրությամբ պատկերտ հետևյալն է․ արձանագրվել է վարակի  628 նոր դեպք, առողջացել են 173-ը, մահվան դեպքերը 13-ն են։ 7000 պացիենտ տնային հսկողության տակ է, 1 800-ը՝ հիվանդանոցային։

Փաշինյանն ասաց, որ միտում կա՝ երբ թվերի նվազում է տեղի ունենում, հակահամաճարակային կանոնների պահպանման կտրուկ նվազում են արձանագրում։

«Այս իրավիճակն ուղիղ կապ ունի մեր հանրային վարքագծի հետ․ վարչական լծակները ևս պետք է գործադրվեն, բայց հիմնական անելիքը մեզնից յուրաքանչյուրինը պիտի լինի»,-ասաց նա։

Փաշինյանը նշեց, որ ինչքան մեծ է վարակվածության թիվը, այնքան էլ՝ մահերինը․ «Մենք մեր վիճակագրությամբ անուղղակիորեն մեծացնում ենք մահերի թիվը։ Բոլոր հնարավոր միջոցներով այս ուղերձը պետք է մեր քաղաքացիներին տեղ հասցնենք»։

Վարչապետը հայտարարեց, որ առանձնահատուկ կարևորություն է ստանում տեղորոշելը՝ ովքեր են ասում վիրուս չկա․ «Պետք է հասկանանք նրանց շարժառիթները և զբաղվենք սրանով․ օպերատիվ մեր մարմինները պետք է տեղորոշեն այսպիսի ինֆորմացիա տարածողներին»։

Նշենք, որ կառավարությունը հաստատեց արտակարգ դրությունը հունիսի 13, ժամը 17։00-ից մինչև հուլիսի 13, ժամը 17։00-ն երկարացնելու հարցը։

Մանրամասն՝ տեսանյութում․