Մեծ Բրիտանիայի թագուհու ամուսինը՝ արքայազն Ֆիլիպն իր 99-ամյակն առցանց կնշի

Այսօր՝ հունիսի 10-ին Մեծ Բրիտանիայի Եղիսաբեթ Երկրորդ թագուհու ամուսինը՝ Էդինբուրգի դուքս Ֆիլիպը 99 տարեկան կդառնա. այս մասին գրում է Daily Mail-ը

Նշվում է՝ արքայազն Ֆիլիպի ծննդյան 99-ամյակը արտասովոր լուռ կանցնի կորոնավիրուսի համավարակի պատճառով:

Մարտից ի վեր թագուհին, որն ապրիլի 21-ին նշեց իր 94-ամյակը, իր ամուսնու հետ ապրում է Վինձոր ամրոցում՝ պահպանելով կարանտինը:

Էդինբուրգի դուքսի ծննդյան օրը, ինչպես վերջերս Թագուհու ծննդյան օրը, այս տարի չի նշվի ավանդական հրետանային հրավառությամբ, քանի որ թագավորական զույգը որոշում է կայացրել համավարակի ընթացքում նման արարողություններն անտեղի են։

Հավելվում է՝ արքայազն Ֆիլիպին տոնական ընթրիք է սպասվում Եղիսաբեթ Երկրորդի ընկերակցությամբ, ինչպես նաև շնորհավորանքներ երեխաների, թոռների և ծոռների կողմից՝ տեսակապի միջոցով: