Հատուկ օպերացիա Ստամբուլում. տասնյակ ձերբակալված զինվորականներ

Թուրքիայի իրավապահ մարմինները 118 մարդու համար ձերբակալության որոշում են կայացրել, որոնք կասկածվում են գյուլենականների հետ կապ ունենալու մեջ: Այս մասին հայտնում է Anadolu գործակալությունը:

Ըստ տեղեկությունների, ձերբակալությունները իրականացվել են Ստամբուլի դատախազության կողմից արձակված ձերբակալման որոշումների հիման վրա: Ձերբակալվել են ընդհանուր առմամբ 42 զինծառայող և ժանդարմերիայի անդամ։ Նրանց ձերբակալության համար հիմք են հանդիսացել նախկինում ձերբակալվածների ցուցմունքները, հեռախոսազանգերի վերլուծությունը։

Ստամբուլի դատախազությունը որոշել է նաև կալանավորել ևս 76 զինծառայողների, ժանդարմների և քաղաքացիական անձանց այն բանից հետո, երբ հայտնաբերվել է, որ նրանք տաքսաֆոններ են օգտագործում՝ Գյուլենի շրջապատի հետ շփվելու համար: Նշվում է, որ դրանցից 74-ը ակտիվ ծառայության մեջ են եղել: