Ռուսաստանը հույս ունի շարունակել Թուրքիայի հետ համագործակցությունը՝ չնայած կորոնավիրուսին

Ռուսաստանի ռազմատեխնիկական համագործակցության դաշնային ծառայության ղեկավար Դմիտրի Շուգաևը ակնկալում է պահպանել համագործակցությունը Թուրքիայի հետ պատշաճ մակարդակով և կատարել այս տարվա բոլոր ծրագրերը՝ չնայած կորոնավիրուսի համաճարակին. հայտնում է «ՏԱՍՍ» գործակալությունը։

«Իրավիճակը շատ բարդ է, ավելի շատ անկանխատեսելի, անելիքներ շատ կան, և մենք ստիպված կլինենք աշխատել բոլորովին նոր, դեռ անհասկանալի, բարդ և մեզանից անկախ պայմաններում: Միգուցե մեզ անհրաժեշտ կլինի որոշակի ճշգրտում՝ բանակցությունների մեթոդների, փոխգործակցության եղանակների միջոցով, բայց ես հուսով եմ, որ մենք կգտնենք արդյունավետ միջոցներ մեր ռազմատեխնիկական համագործակցությունը լուրջ, պատշաճ մակարդակով պահպանելու համար, և կփորձենք իրականացնել մեր բոլոր ծրագրերը մինչև 2020 թվականը», - ասաց Շուգաևը երեքշաբթի օրը թուրքական Eko türk tv-ին տված հարցազրույցում: