ՏԵՍԱՆՅՈՒԹ․ Առաջին պաշտոնանկությունը Արցախում․ ո՞վ է դառնում ոստիկանապետ Լևոն Մնացականյանի փոխարեն

Արցախի Հանարպետության նախագահ Արայիկ Հարությունյանը հրապարակեց իր հրամանագիրը, որով Լևոն Մնացականյանին ազատեց Արցախի Ոստիկանության պետի պաշտոնից և Ոստիկանության պետ նշանակեց Աշոտ Հակոբջանյանին՝ հայտնում է Yerkir.am-ը։

Մեկ այլ հրամանով նա Աշոտ Հակոբջանյանին շնորհեց ոստիկանության գեներալ-մայորի կոչում։

Լևոն Մնացականյանի հետ  առաջիկա աշխատանքը, ասաց, կքննարկեն։

Լևոն Մնացականյանը շնորհակալություն հայտնեց ոստիկանության համակարգի աշխատողներին համատեղ աշխատանքի համար։ Ասաց, եթե անգամ ոստիկանությունը հարկադրանք է կիրառել իր պաշտոնավարման տարիներին, դա եղել է համաչափ և նպատակային, ոստիկանության համակարգը որևէ կերպ սահմանափակված չի եղել։ Լևոն Մնացականյանը նշեց, որ Ոստիկանությունը իր համար եղել է մի նոր միջավայր, որի հետ աշխատանքը շարունակելու է։

Նա շնորհավորեց նոր ոստիկանապետին բարդ ժամանակներում պաշտոնն ստանձնելու առիթով ու հաջողություն մաղթեց։

Աշոտ Հակոբջանյանը շնորհակալություն հայտնեց Արցախի նախագահին բարձր վստահության համար և վստահեցրեց, որ ամեն ինչ կանի դա արդարացնելու համար։

Նոր ոստիկանապետը կարդաց իր առաջին հրամանը, որով մեդալով պարգևատրեց նախորդ ոստիկանապետին՝ գեներալ-լեյտենանտ Լևոն Մնացականյանին։

Մանրամասն՝ տեսանյութում․