Իսպանիան ցանկանում է հունիսի վերջին հանգստյան առանձին գոտիներ բացել ԵՄ-ից զբոսաշրջիկների համար

Իսպանիան ցանկանում է հունիսի վերջին հանգստյան առանձին գոտիներ բացել Եվրոպական միության երկրներից զբոսաշրջիկների համար. այս մասին գրում է DW-ն, նշելով՝  խոսքը վերաբերում է իսպանական այն շրջաններին, որոնք ամենաքիչն են տուժել կորոնավիրուսային համաճարակից։

Դեռևս երկրի իշխանությունները, որպես հեռանկար ունեցող վայրեր, նշում են Բալեարյան և Կանարյան կղզիները։  

Հիշեցնենք՝ Իսպանիայում զբոսաշրջությունից եկամուտները կազմում են երկրի ՀՆԱ-ի 12 տոկոսը։ Իսպանիայի զբոսաշրջային ընկերությունների միավորումը ավելի վաղ հայտարարություն էր տարածել այն մասին, որ ոլորտի վնասներն այս տարի կկազմեն 93-124 մլրդ եվրո՝ նույնիսկ այն դեպքում, եթե երկրի սահմանները բացվեն հունիսի վերջին։