Ուհանի լաբորատորիայից կորոնավիրուսի արտահոսքի վերաբերյալ ապացույցներ չկան. Тhe Guardian

«Հինգ աչք» հետախուզական միությունը չունի ապացույցներ այն թեորիայի վերաբերյալ, որ կորոնավիրուսը ստեղծվել է չինական Ուհան քաղաքի գիտահետազոտական լաբորատորիայում. այս մասին հայտնում է բրիտանական The Guardian-ը։

Բրիտանական պարբերականն ընդգծում է, որ ավտրալական The Daily Telegraph թերթի հրապարակած զեկույցը ոչ մի կապ չունի 5 երկրների՝ ԱՄՆ-ի, Մեծ Բրիտանիայի, Ավստրալիայի, Կանադայի և Նոր Զելանդիայի հատուկ ծառայությունների հետ։

Պարբերականը նշում է, որ զեկույցում հիշատակվող իրադարձությունների հավանական տարբերակը արտահայտում է միայն ամերիկյան կառավարության տեսակետը։ Դոնալդ Թրամփն ու պետքարտուղար Մայք Պոմպեոն ոչ մեկ անգամ հայտարարել են, որ ԱՄՆ հատուկ ծառայություններն ունեն անհերքելի ապացույցներ, որ Չինաստանն է ստեղծել վարակը, որից հետո ամեն բան արել է, որպեսզի գաղտնի պահի այդ տեղեկությունը։ «Հինգ աչք»-ի մյուս անդամ երկների հատուկ ծառայությունները, ըստ Guardian-ի, հակված են համարելու, որ Չինաստանն իրոք կարող էր ինչ-որ տեղեկություն փորձել գաղտնի պահել, սակայն կորոնավիրուսի ստեղծման վերաբերյալ ոչ մի ապացույց չունեն։

Առողջապահության համաշխարհային կազմակերպությունն իր հերթին հայտարարել է, որ ԱՄՆ-ն դեռ ոչ մի ապացույց չեն ներկայացրել, իսկ Թրամփի և Պոմպեոյի հայտարարությունները կազմակերպությունը «վիճելի» են համարում։