Չինաստանում 1 օրում կորոնավիրուսով է վարակվել 10 մարդ․ Известия

Վերջին 1 օրվա ընթացքում Չինաստանի տարածքում չի գրանցվել կորոնավիրուսից մահվան դեպք, արձանագրվել է վարակման 10 դեպք, ապաքինվել է 56 պացիենտ։ Այս մասին տեղեկացնում է  Известия-ն՝ Չինաստանի առողջապահական հարցերով պետկոմիտեին հղումով. հայտնում է Yerkir.am-ը։

Մասնավորապես, վարակման նոր դեպքերից 6-ը բերովի են, մնացած 4-ը՝ տեղային։ Երկրում մինչ օրս գրանցվել է բերովի 1616 դեպք, վարակակիրներից 823-ն ապաքինվել են։

Համաճարակի օջախ համարվող Հուբեյ նահանգում վերջին մեկ օրում վարակման ոչ մի դեպք չի արձանագրվել։ Այս պահին դրությամբ նահանգում բուժում է ստանում 69 մարդ, բոլորը՝ Ուհան քաղաքում։ Նրանցից 2-ի վիճակը ծանր է։

Ընդհանուր առմամբ մինչ օրս երկրում գրանցվել է վարակման 82 798 դեպք, մահացել է 4632 մարդ։