Ալիսոնը վերականգնվել է վնասվածքից

Անգլիական «Լիվերպուլ»-ի դարպասապահ Ալիսոն Բեկերը վերականգնվել է վնասվածքից:

Այս մասին գրում է  Sky Sport-ը: Ըստ պարբերականի, Ալիսոնն ազդրի վնասվածք էր ստացել մարտի 3-ին ակումբի մարզման ժամանակ:  Ընթացիկ մրցաշրջանում Բեկերն ընդհանուր առմամբ «Լիվերպուլ»-ի կազմում անցկացրել է 28 հանդիպում` բաց թողնելով 17 գնդակ, իսկ 14 հանդիպում ավարտել է ոչ մի գնդակ չընդունելով սեփական դարպասը:

«Լիվերպուլ» Ալիսոն Բեկերը տեղափոխվեց իտալական «Ռոմա»-ից 2018 թվականին:  Բրազիլիայի հավաքականի կազմում դարպասապահն անցկացրել է 44 հանդիպում:

Անգլիայի ընթացիկ առաջնությունը դադարեցված է կորոնավիրուսի պանդեմիայի պատճառով: