Կիևում զոհված լրագրողը երեկ էր ապաքինվել նախորդ բախումների ժամանակ ստացած վնասվածքից

Արդեն հայտնել ենք, որ Կիևում երեկ վերսկսված բախումների ժամանակ զոհվել է ուկրաինական Вести թերթի լրագրող Վյաչեսլավ Վերեմեյը: Նա մահացել է հիվանդանոցում, բժիշկներին չի հաջողվել փրկել նրա կյանքը:

Вести-ի  աշխատակիցները տաքսիով տուն են վերադառնալիս եղել: Երբ մեքենան կանգնել է լուսացույցի մոտ, հայտնվել են անհայտ դիմակավոր անձինք և սկսել Մոլոտովի կոկտեյլներ նետել մեքենայի ուղղությամբ: Վարորդին և երկու լրագրողներին, այդ թվում` Վյաչեսլավին,  հանել են մեքենայից ու սկսել ծեծել: Վյաչեսլավը հրազենային վնասվածք է ստացել: Նա շատ արյուն է կորցրել  և լուրջ վնասվածքներ ստացել, այդ պատճառով նրան փրկել չի հաջողվել. գրում է Вести-ն:

Թերթի համաձայն՝ Սլավան միայն փետրվարի 18-ին էր դուրս եկել աշխատանքի: Մեկ ամիս առաջ՝ հունվարի 20-ին, Կիեւի կենտրոնում տեղի ունեցած բախումների ժամանակ վնասվել էր նրա աչքը, նա մասնակի կորցրել էր տեսողությունը: