ՈՒՂԻՂ. Ընթանում է ԱԺ քառօրյան. օրակարգում է նաեւ ԿԲ նախագահի ընտրության հարցը

Ազգային ժողովում այսօր՝ ապրիլի 15-ին շարունակում է հերթական քառօրյա նիստերը. օրակարգում 29 հարց է, այդ թվում ԿԲ նախագահի ընտրությունը:

Նախօրեին ԱԺ-ն քննարկել է 29 հարցից միայն 6-7-ը:

Այսօր՝ ապրիլի 15-ին, ԱԺ-ն կքննարկի մասնավորապես, «Ապօրինի ծագում ունեցող գույքի բռնագանձման մասին» աղմկահարույց օրինագիծը երկրորդ ընթերցմամբ: 

Հիշեցնենք, որ ԿԲ նախագահի ընտրությունը տեղի կունենա հինգշաբթի: Այս պաշտոնում «Իմ քայլը» խմբակցությունն առաջադրել է ԿԲ խորհրդի անդամ Մարտին Գալստյանի թեկնածությունը, որը ԱԺ նախկին նախագահ Բաբկեն Արարքցյանի փեսան է»: ԿԲ նախագահ Արթուր Ջավադյանի պաշտոնավարման 2-րդ ժամկետը լրանում է հունիսի 1-ին»:

ԱԺ օրակարգում են ընդգրկված նաև հետեւյալ հարցերը.

- «Հայաստանի Հանրապետության պետական պարգեւների եւ պատվավոր կոչումների մասին» ՀՀ օրենքում լրացում կատարելու մասին,

- «Հեռուստատեսության եւ ռադիոյի մասին» ՀՀ օրենքում փոփոխություն եւ լրացումներ կատարելու մասին,

- Հայաստանի Հանրապետության ու Վերակառուցման եւ զարգացման միջազգային բանկի միջեւ «Կենսական նշանակության ճանապարհային ցանցի բարելավման ծրագրի երկրորդ լրացուցիչ ֆինանսավորում» վարկային համաձայնագիրը վավերացնելու մասին,

- «Սպառողական կրեդիտավորման մասին» Հայաստանի Հանրապետության օրենքում լրացումներ կատարելու մասին,

- «Պետական կենսաթոշակների մասին» օրենքում փոփոխություններ եւ լրացումներ կատարելու մասին եւ այլ օրինագծեր:

Նիստին առաջարկում ենք հետևել ուղիղ հեռարձակմամբ.