Apple-ը և Google-ը համատեղ ստեղծում են կորոնավիրուսի տարածումը վերահսկող համակարգ

Տեխնոլոգիական երկու հսկաները միավորվել են համավարակի դեմ: Նրանք հայտարարել են, որ համատեղ ջանքերով մշակելու են հեռախոսների տերերի շփումներին հետևող տեխնոլոգիա, որը հնարավորություն կտա դանդաղեցնելու կորոնավիրուսի տարածումը. ըստ yerkir.am-ի` տեղեկացնում է golos-ametiki.ru-ն:

Սմարթֆոնների միջոցով պոտենցիալ վարակվածները կարող են իմանալ, որ իրենք պետք է թեստավորում անցնեն կամ ինքնամեկուսացվեն: Այսպիսի մոնիթորինգը կարող է կարևոր դեր ունենալ նաև կարանտինը մեղմելուց հետո: Սակայն, որպեսզի այդ տեխնոլոգիան արդյունք տա, անհրաժեշտ է, որ միլինոնավոր մարդիկ ընդունեն դրա պայմանները:

Ըստ նախագծի` կորոնավիրուսով վարակվածները Apple-ին ու Google-ին են փոխանցելու իրենց հետ շփված մարդկանց հեռախոսահամարները: Դրա շնորհիվ ռիսկի խմբում գտնվողները տեղյակ կպահվեն այդ մասին, իսկ վարակակրի հետ շփման մասին նախազգուշացնող ազդանշանները կհաղորդվեն սմարթֆոնին Bluetooth-ի միջոցով:

Apple-ը և Google-ը երաշխավորում են տվյալների գաղտնիությունը, նաև` հայտարարում, որ իրենց համակարգը GPS-ով չի հետևի կոորդինատներին: