ԱՄՆ-ն կորոնավիրուսի ֆոնին ընդլայնել է Իրանի դեմ պատժամիջոցները

ԱՄՆ-ն ընդլայնել է Իրանի դեմ կիրառվող պատժամիջոցների ցանկը, այնտեղ ներառելով 5 ֆիզիկական և 15 իրավաբանական անձանց. հաղորդում է ТАСС գործակալությունը։

Ըստ ԱՄՆ Ֆինանսների նախարարության՝ պատժամիջոցների տակ հայտնված իրանցիները կապված են իրանական իսլամական հեղափոխության պահապանների Ալ-Քուդս կորպուսի հետ։ ԱՄՆ ֆինանսների նախարար Սթիվեն Մնուչինը նշում է, որ այդ անձինք սերտորեն կապված են «Քաթաիբ Հեսբոլլահ» և «Ասաիբ Ահլ ալ-Հաքք» խմբավորումների ներկայացուցիչների հետ և զենք են մատակարարում այդ կառույցներին, իսկ Իրանն օգտագործում է այդ ցանցը ահաբեկչական խմբավորումներին զինելու համար։

Նշենք նաև, որ օրերս բազմաթիվ հասարակական և քաղաքական գործիչներ և՛ ԱՄՆ-ից, և՛ աշխարհի այլ ծայրերից, հանդես էին եկել կոչով՝ չեղարկել Իրանի դեմ պատժամիջոցները պայմանավորված ահագնացող կորոնավիրուսով։