Չեղարկվել է նաև Ֆորմուլա 1-ի Բաքվի գրան պրին

Նոր տեսակի կորոնավիրուսի տարածումն անդրադառնում է նաև սպորտային բոլոր մրցաշարերի վրա։ Արդեն հետաձգվել են ֆուտբոլի Եվրոպայի 2020, Կոպա Ամերիկա մրցաշարարերը՝ տեղափոխվելով հաջորդ տարի, ֆուտբոլային ազգային առաջնությունները ժամանակավորապես դադարեցվել են, թենիսային, շախմատային և սպորտային այլ մրցաշարարեր ևս չեղարկվում են. հայտնում է Yerkir.am-ը։

Մարտ ամսին պետք է մեկնարկեր նաև ամենահեղինակավոր ավտոմրցաշարի՝ Ֆորմուլա 1-ի առաջնությունը։ Սակայն վիրուսի տարածումից հետո մրցաշարն ընդունող երկրները մեկը մյուսի հետևից հայտարարում են գրան պրիների չեղարկման մասին։

Հունիսի 7-ին նախատեսված Բաքվի գրանդ պրին ևս չեղարկվել է։ Որոշում ընդունվել է ՖԻԱ-ի (Ավտոմոբիլային միջազգային ֆեդերացիա) և ադրբեջանական կառավարության միջև ձեռք բերված համաձայնության արդյունքում։ Ադրբեջանում ավտոմրցաշարն անց է կացվում 2017 թվականից։

Հիշեցնենք, որ այնտեղ կորոնավիրուսով վարակվել է 72 մարդ, 1-ն էլ մահացել է։