Կաննի կինոփառատոնի կազմակերպիչները որոշել են հետաձգել այն

Ֆրանսիայում և աշխարհում կորոնավիրուսի տարածման պատճառով Կաննի կինոփառատոնի կազմակերպիչները որոշել են հետաձգել այն.հայտնում է Yerkir.am-ը՝ Variety-ին հղումով։

Նշվում է՝ փառատոնը չի կայանա մայիսին, այս պահին քննարկվում է կինոփառատոնի անցկացումն այլ ժամկետներ տեղափոխելու հարցը։ Այն կարող է կայանալ հունիսի վերջ-հուլիսի սկզբին։

Միևնույն ժամանակ կազմակերպիչներն շեշտել են, որ վերջնական որոշման մասին կտեղեկացնեն, երբ Ֆրանսիայում և աշխարհում իրավիճակի զարգացումը թույլ տա գնահատել փառատոնի անցկացման իրական հնարավորությունը։

Հիշեցնենք՝ Կաննի 73-րդ փառատոնը պետք է անցկացվեր Լազուրե ափում, մայիսի 12-23-ը. այն անցկացվում է ամեն տարի՝ 1946 թվականից ի վեր։