Միայն ՍԴ-ն կարող է որոշել` հետաձգել ընտրությունները, թե` ոչ

Կենտրոնական ընտրական հանձնաժողովն այսօր նիստ է հրավիրել, որի ժամանակ ԿԸՀ նախագահ Տիգրան Մուկուչյանը նշել է օրենքով սահմանված ընթացակարգերը` թե ինչպես կարելի է նախագահի թեկնածուի առջեւ հարուցված խոչընդոտը ճանաչել անհաղթահարելի:

Ըստ այդմ` որպեսզի փետրվարի 18-ին կայանալիք նախագահական ընտրությունները հետաձգվեն, նախագահի թեկնածու Պարույր Հայրիկյանը պետք է համապատասխան դիմում ներկայացնի Սահմանադրական դատարան, իսկ ՍԴ-ն 4 օրվա ընթացքում որոշի` այդ խոչընդոտը անհաղթահարելի՞ է, թե՞ ոչ: Որովհետեւ միայն Սահմանադրական դատարանը կարող է խոչընդոտը անհաղթահարելի ճանաչելու որոշում կայացնել` այն էլ` տվյալ թեկնածուի դիմումի հիման վրա: