«Արարատն» ու «Լոռի ՖԱ»-ն գոլ չխփեցին և ոչ-ոքի խաղացին

Հայաստանի ֆուտբոլի բարձրագույն խմբի առաջնության 17-րդ տուրի վերջին խաղում Երևանի «Արարատը» Գյումրիի քաղաքային մարզադաշտում հյուրընկալեց Վանաձորի «Լոռի ՖԱ»-ին:

Հանդիպումն անցավ անչափ լարված պայքարում: Առաջին խաղակեսում մրցավարը երկու անգամ դիմեց կարմիր քարտի օգնությանը: Նա նախ հեռացրեց «Արարատի» պաշտպան Թոմաս Ֆիբելին, իսկ 32-րդ րոպեին երկրորդ դեղին քարտով հանդերձարան ուղարկեց «Լոռի ՖԱ» ավագ Արթուր Ավագյանին: Թերի կազմերով թիմերը չկարողացան գտնել դարպասների գրավման բանալիները և հանդիպումն այդպես էլ ավարտվեց գոլազուրկ ոչ-ոքիով՝ 0:0:

«Արարատն» այս խաղից հետո վաստակեց 28 միավոր և հավասարվեց «Շիրակին», իսկ «Լոռի ՖԱ»-ն իր միավորների քանակը հասցրեց 29-ի և բարձրացավ 3-րդ հորիզոնական:

Առաջնության առաջին փուլի վերջին՝ 18-րդ տուրի խաղերը տեղի կունենան մարտի 14-ին, 16-ին և 17-ին: