Իդլիբի զինյալների համար զենքը բերվում է Թուրքիայից. ՌԴ ՊՆ

Սիրիական Իդլիբում իրավիճակն էլ ավելի է բարդանում զինյալների համար Թուրքիայից բերվող զենքի և սպառազինության պատճառով. այս մասին, Yerkir.am-ի, հայտնում է Ռուսաստանի Պաշտպանության նախարարությունը:

Ռուս զինվորականների խոսքով լարվածության պատճառ է դարձել այն, որ Ռուսաստանի և Թուրքիայի կողմից բազմիցս են արձանագրվել ահաբեկիչների հարձակումներ սիրիացի խաղաղ բնակչության դեմ, որն էլ հանգեցրել է պատասխան գործողությունների:

«Իդլիբի ապաէսկալացիոն գոտում ահաբեկչական խմբավորումների սադրիչ գործողություններն են հենց պատճառը, որ խաղաղ բնակչությունը տառապում է՝ օգտագործվելով որպես «կենդանի վահան»: Իրավիճակն էլ ավելի է բարդանում թուրք-սիրիական սահմանից դեպի գոտի զենքի ներկրման, ինչպես նաև սիրիական Իդլիբ նահանգում գտվող թուրքական զրահատեխնիկայի և զորքերի շարասյան պատճառով», - նշված է հայտարարության մեջ:

Թուրքական «Անադոլու» գործակալությունը հայտնում է, որ որ ռուսական օդուժը հարվածներ է հասցրել Հալեպի և Իդլիբի ուղղությամբ: Երեկ էր Թուրքիայի նախագահ Ռեջեփ Թայիփ Էրդողանը հայտարարել էր, որ կխոցի Իդլբի օդում թռչող ցանկացած ինքնաթիռ: