Ավտոկայանատեղերը բերվում են օրինական դաշտ

Հասարակական տրանսպորտի կանգառներում կարգուկանոն հաստատելու և տրանսպորտային միջոցների կուտակումները բացառելու նպատակով անհրաժեշտ է շարունական աշխատանքներ իրականացնել. այսօր հերթական աշխատանքային խորհրդակցության ժամանակ հայտարարել է Երեւանի փոխքաղաքապետ Տարոն Մարգարյանը:

«Պետք է հետևողական լինենք, որպեսզի հասարակական տրանսպորտի կանգառներում բացառվի այլ մեքենաների կայանումը և ուղևորատար տրանսպորտի համար ապահովվի անխափան երթևեկություն»,- նշել է նա:

Մայրաքաղաքի ավտոկայանատեղերի գույքագրման աշխատանքների ընթացքի հետ կապված՝ նշվել է, որ զուգահեռ ուսումնասիրվում է դրանց տարողունակությունը, կայանող տրանսպորտային միջոցներից գանձվող գումարների ընդհանուր չափը, ինչպես նաև իրավական հիմքը:

Փոխքաղաքապետը հրամայել է արգելել այն ավտոկայանատեղերի գործունեությունը, որոնք պայմանագրեր չունեն վարչական շրջանների հետ. տեղեկացնում է Երևանի քաղաքապետարանի տեղեկատվության եւ հասարակայնության հետ կապերի վարչությունը: