Տղե՛րք, դիրքերը լավ նայեք. այսօր Ալբերտ Ալավերդյանի հիշատակի օրն է

Ծառայել է Գերմանիայում, ծառայությունից հետո ուսումը կիսատ է թողել: Ակտիվ մասնակցություն է ունեցել Ղարաբաղյան շարժմանը եւ զինվորագրվել ՀԱԲ-ին, որի լուծարումից հետո միացել է Հայ Յեղափոխական Դաշնակցությանը: Մասնակցել է Երասխավանի, Նոյեմբերյանի, Վարդենիսի պաշտպանությանը: Արցախում եղել է սովորական զինվորից մինչեւ Շուշիի Առանձնակի գումարտակի գրոհային վաշտի հրամանատար՝ վաշտապետ:

Զոհվել է 1994 թվականի հունվարի 10-ին՝ Ֆիզուլու Կարախանբեյլի գյուղի մարտերում: Հետմահու արժանացել է «Մարտական Խաչ» երկրորդ աստիճանի շքանշանի, «Շուշիի ազատագրման համար» մեդալի, ՀՀ «92-94» մարտական գործողությունների մասնակից» կրծքանշանի:

Հրամանատարի ընկերների ականջներում շարունակում է լսվել նրա սպառնագին հրամանը. «Տղե՛րք, դիրքերը լավ նայեք»: