Գալդ բարի՜, Նոր տարի

Նոր տարի՝ օր, որով ամփոփում ենք հին տարվա ընթացքում մեր ունեցած ձեռքբերումներն ու կորուստները, նվաճումներն ու բացթողումները և դիմավորում ենք Նոր տարին՝ նոր հույսերով ու ակնկալիքներով, իղձերով ու նպատակներով:

Ըստ Yerkir.am-ի՝ 2020 թվականը սպիտակ մետաղական առնետի տարի է։ 

Ի բնե՝ առնետը կամակոր կենդանի է։ Եթե դուք համառ ու նպատակասլաց մարդ եք ու չեք նահանջում խոչընդոտների առջև, ապա 2020-ը Ձեզ համար բարեհաճ կլինի։

Միևնույն ժամանակ առնետը նաև առաջին նշանն է չինական օրացույցի 12-ամյա ցիկլի մեջ, ինչն իրենից ենթադրում է համարձակություն ու հավակնոտություն։ 

***

Yerkir.am-ի խմբագրակազմը շնորհավորում է Ամանորի ու Սուրբ ծննդյան կապալցությամբ։ Մաղթում ենք, որ այս տարին բարի լինի բոլորիս համար. լինի նորանոր ձեռքբերումների ու հաջողությունների, անկատար ծրագրերի ու նվիրական իղձերի իրականացման տարի, խաղաղության, երջանկության, բարեկեցության տարի: